بتحب السوفت وير وجربت تفلش جهازك على الاودين والعملية نجحت ..مبروك
لكن عايز اشتغل فى المجال لانة عجبنى بس مش عارف أبدا منين
وعايز أتعلم كويس وأعرف اعمل كل حاجة سامسونج والجى وايفون وسونى
(دهب ياقوت مرجان )
طب اعمل اية عشان اتعلم كويس من غير حد ما يشتغلنى ؟
فى المرحلة دى بيكون الحماس عندك عالى قوى وعايز تتعلم بجد
وعايز تأخد خطوة انك تتعلم من حد خبرة
ولحد هنا بتبدأ مرحلة التعلم الشاقة لكل مبتدئ عايز يتعلم السوفت وير
ودلوقتى بيبقا قدامك اكتر من طريق عشان تبدأ منة
الطريق الاول: تعلم بنفسك (self study )
الانترنت كنز كبير جدأ ومليان شروحات ومواضيع وحلول
وكمان فية كورسات ودورات مفيدة وبتشمل كل المجالات
لكن عشان تبدأ تتعلم من خلال الانترنت سواء من المواقع والمنتديات والمدونات
او من اليوتيوب لازم تكون محدد انت عايز تتعلم اية
يعنى مش كل موضوع يقابلك عايز تحفظة ..لازم تبدأ تتعلم كل نظام لوحدة
عشان متشتتش نفسك مثلا انا هبدأ اتعلم اندرويد
يبقا كل اهتماماتى الفترة دى فى موضوع الاندرويد فقط
لان 70% من الاجهزة دلوقتى شغالة اندرويدعلى سبيل المثال
HTC,Samsung,Sony,Alcatel
وتحاول تفهم كويس كل الفئات وتقسمهم عندك فى جدول وتمشى علية .
مثلا هتعلم عمليات السوفت الخاصة باجهزة سامسونج
وتبدأ تبحث عن المواضيع اللى تخص الفئة دى وتتفرج على فيديوهات
وتدخل المواقع والمنتديات وهتلاقى شروحات كتير
وفى المقالات اللى جاية هنعمل مواضيع عن اهم المواقع والمنتديات
اللى بتهم كل السوفتجية سواء مواقع عربية او اجنبية
الطريقة دى جميلة وفعالة لحد كبير ولكن من عيوبهااولا : عدم الممارسة لان الدارس ممكن يشوف شروحات كتير بسمبيقدرش يطبق عملى بنفسةثانيا:سهولة نسيان المعلومات لانك بتتعلم وبتشوف لكن مش بتشتغل بايدكثالثا : فى شروحات كتير بس باللغة الانجليزية ودة بيكون صعب على المبتدئين
الطريق التانى : مراكز تعليم صيانة وسوفت وير المحمول
وانت بتبحث على الانترنت او شوفت اعلان لاكاديمية كذا
او شركة كذا لتعليم صيانة وسوفت وير المحمول
وبتتصل بيهم عشان تستعلم عن اسعار الدورات والكورسات
فبيرد عليك شخص كيوت خالص ( دا اذا مكنش بنت لزوم البرستيج)
ويقولك دورة الهارد وير ب1000 جنية ودورة السوفت وير ب700 جنية
او 1000 جنية برضو
فتبدأ انت تفرح وتقول خلاص بقا هدفع ال1000 جنية وهتعلم السوفت وير
وهنا بقا بتبدأ طريقك الطويل مع الاشتغالات
لان مفيش حاجة اسمها هعلمك سوفت وير ب1000 جنية
دلوقتى مجال السوفت وير بقا متفرع بطريقة كبيرة جدأ
زى ما قولنا فوق لان عندك انظمة تشغيل كتير ولسة القادم اكثر
وكمان فى بوكسات كتير فى السوق وكل بوكس داعم اجهزة معينة
واعطال وعيوب كتير وكل بوكس ممكن يحتاج دورة لوحدة
هو ممكن يعلمك سوفت وير ب1000 جنية بس هتكون حاجاتبدائية لكل فئة وعمرة ما هيقدر يديلك كل الاجهزة والاعطال
وكمان العمل على البوكسات بياخد وقت ومجهود وممارسة
دا غير ان ممكن يكون اللى هيعلمك هو نفسة مبيشتغلش بايدة
ومعاة شوية معلومات بيقولها للشباب وخلاص
ودة للاسف حصل كتير من مراكز كبيرة ومعروفة فى السوق (بدون ذكر اسماء)
وكل همهم ياخدوا حق الدورة وخلاص وبيخرج الشاب من عندهم
يا مولاى كما خلقتنى لاهو اتعلم حاجة محددة ولا هو اتعلم على بوكسات معينة
ولا هو اشتغل بايدة اعطال كتير وجرب بنفسة وبيرج تانى يتفرج على التليفزيون فى بيتهم
دا غير ان معظمهم معندهمش خدمة ما بعد الدراسة
متتخدعش باى اعلان تشوفة او تسمعة عن اى مركز لتعليم صيانة وسوفت وير المحموللازم تسأل الاول وتعرف انت هتتعلم اية بالظبط فى الكورسوكمان تدخل تبحث على الانترنت عن المركز دة وتشوف تقييمات الناس اللى خرجت منةوتعليقاتهم وتجاربهم عشان مينضحكش عليك وتدفع فلوس وانت متعلمتش حاجة
خاتمة الموضوع
انا حاولت اختصر قدر المستطاع فى موضوع مراكز تعليم صيانة وسوفت وير المحمول
لانة عايز دستة مقالات لوحدة ومعظمهم دلوقتى اتجة للنصب
ولو فعلا عايز تتعلم بجد ابحث عن حد خبرة وياريت تتعلم من حد بيشتغل بايدة
لان مجالانا كل يوم فية جديد عشان تضمن انك بتتعلم الجديد
وكمان تقدر تمارس بنفسك وتنفذ اللى اتعلمتة على اجهزة واعطال قدامك
ومينضحكش عليك وحد يشتغلك بكلمتين وفلاشتين وكام برنامج