بوكسات السوفت وير باختلاف انواعها اصبح عددها يزداد يوما بعد يوم لاسباب كثيرة اهما
زيادة انواع اجهزة المحمول وزيادة عدد الشركات التى تحاول ان تكون فى المنافسة وتطمع فى حصة اكبر
من السوق الذى يمتلئ بالااف الاجهزة سنويا هذا بالنسبة لكل المستخدمين
لكن بالنسبة #للسوفتجية الامر يزداد صعوبة بزيادة اعداد بوكسات السوفت وير لعدة اسباب اهمها
1 - المبتدئ الجديد على المجال والذى يجد صعوبة فى اختيار البوكسات المناسبة للبدء بها فى عملة
2 - قلة الامكانيات المادية عند بعض السوفتجية لعدة اسباب سواء باحوال الاقتصاد فى هذة الفترة والذى يؤثر سلبا
على عملة ودخلة وايضا زيادة الاعباء اليومية سواء ايجارات محلات او بضاعة او فواتير نت وكهرباء وغيرها
واتكلمنا فى الجزء الاول من الموضوع عن اختيار بوكسات قليلة من ضمن مجموعة كبيرة من البوكسات لكل فئة اجهزة
وبدأنا ببوكسات اجهزة سامسونج جلاكسى وكمان بوكسات اجهزة نوكيا
إقرا ايضا : -عايز اشترى بوكسات سوفت وير ومحتار. تنصحونى أشترى اية ؟ الجزء الاول
وانهاردة هنكمل الجزء الثانى من موضوعنا وهنتكلم عن بوكسات اجهزة تانية
ملحوظة هامةأحنا هنا مش هنتكلم عن امكانيات كل البوكسات ولا الاجهزة المدعومة والخصائص لاننا هنشرح كل البوكسات بالتفصيل فى سلسلة شروحات العمل على البوكسات ولكن احنا بنسهل عليك الاختيار وبنوضحلك الفرق فى نقاط واضحة
بوكسات الاجهزة الصينى والكوبى
وايضا اجهزة Alcatel One Touch وايضا الاجهزة الجديدة
مثل Lenovo / huawei/Tecno/archos/Wiki وغيرها من الاجهزة
موجودة كتير جدأ فى السوق
وشغلها كتير وعلشان تشتغل لو امكانياتك تسمح ممكن تجيب بوكس للاجهزة دى
واحنا هنا اخترنا بوكسين ممكن تشترى واحد منهم
بوكس الميراكل miracle box
بوكس الفولكانو volcano box
لانهم يعتبروا افضل بوكسين بيتعاملوا مع الاجهزة دى والاجهزة الكوبى ذات المعالج MT65XX
يعنى لو عايز تشتغل فى الاجهزة الكوبى بنصحك تشترى بوكس من البوكسين اللى ذكرناهم
وانت ممكن تشتغل كوبيهات كتير ببرامج فرى زى ما قولنا فى الجزء الاول
لكن فى اجهزة كتير مدعومة على البوكسات فقط وكمان عمليات على البوكس زى فك الشفرة او الفورمات السريع
وحذف رموز الحماية وايميل جوجل وكمان هتستفاد من سبورت البوكس وتحمل الفلاشات الجديدة
واللى ممكن مش تلاقيها وانت بتبحث على الانترنت
ودلوقتى احنا قولنالك على بوكسين ودورك تختار واحد منهم ...إزاى؟
يعنى لو هتشترى ادخل على سبورت كل بوكس او على القسم المخصص لكل بوكس فى الهوستنج
او ممكن تدخل منتديات عربية زى الجيم فلاش او حزورى او غيرها من المنتديات
وتشوف كل المواضيع والشروحات والاجهزة المدعومة على كل بوكس
فى القسم المخصص لية
انت كدة اخدت بالاسباب وبحثت وعرفت هتشترى اية ...توكل على الله
بوكسات الاجهزة الاخرى
احنا اتكلمنا بالتفصيل شوية عن اهم البوكسات اللى ممكن تبدأ بها والخاصة باكثر الاجهزة انتشارأ فى السوق
لكن فيما بعد لما تأخد خبرة او امكانياتك تسمح ممكن تشترى بوكسات للموديلات الاخرى
مثل دونجل ir Key او XTC Clip لاجهزة HTC
او بوكس Setool او Dongle 4se لاجهزة سونى اكسبريا
او MFC Donle او Vitool للتعامل مع اجهزة الايفون وفك رموز الحماية
خاتمة الموضوع
أبدأ بالبوكسات اللى تشغلك وتكفى شغلك ومش تخليك واقف على حاجة وميهمكش كتر البوكسات الموجودة فى السوق
لان فى ناس عندها بوكسات كتير قوى بس مركونة فى الدرج لانة مبيعرفش يشتغل عليها
دا غير ان فى بوكسات بتبدأ بتحديثات قوية وبعد كدة ( بخ ) وحصلت كتير فى بوكسات زى الجاف وال MX Key
وغيرها كتير من البوكسات اللى غرضها كان لم قرشين وخلاص
ونصيحة اخيرة لما تشترى بوكس حاول تحترف العمل علية علشان لما تجمع بوكساتك فيما بعد
تكون محترف العمل عليهم وهو دة المطلوب مش مجرد عدد وخلاص
وفى الختام اشكر جميع المتابعين على نشر مواضيعنا وثقتهم الغالية فى مدونة جوكر سوفت
لو أستفدت من الشرح اشترك معانا فى قنواتنا على اليوتيوب عشان يوصلك كل جديد
وكمان تقدر تحمل تطبيق الاندرويد الخاص بالشروحات وتثبتة على موبايلك عشان تتابع كل جديد