ماهو وضع MTK Brom Mode ولماذا تم تقييدة واغلاقة على موبيلات ميدياتك بعد التحديثات الاخيرة
فى الفترة الاخيرة وبعد تحديثات الحماية على الاجهزة والموبيلات اللى عليها معالجات mtk باختلاف برانداتها وموديلاتها
ممكن يجيلك موبايل ميدياتك سواء كان oppo او Vivo , Samsung , Xiaomi , Huawei اواى براند تانى ومحتاج حذف FRP
او فورمات او تفليش او اى عملية من عمليات السوفت وير وطبعا انت هتشتغل بالطرق اللى انت متعود عليها
يعنى هتشغل اى تول او برنامج سوفت وير عندك سواء كانت مدفوعه او مجانية وهتختار العملية اللى انت محتاج تعملها للموبايل .
وبعدها هتقفل الموبايل باور وهتضغط على مفاتيح الصوت وهتوصله بالكابل علشان يدخل لوضع MTK Brom Mode
علشان البرنامج يتعرف علية وينفذ العملية اللى انت عايزها ... لكن هتلاحظ إن البرنامج مش متعرف على الموبايل ولا قارية ولابدأ فى تنفيذ العملية
ودة لان بعد التحديثات الاخيرة لموبيلات ميدياتك mtk تم تقييد الوصول لوضع brom واصبح MTK Brom Mode Locked
ودة الوضع الاساسى اللى من خلاله هتقدر تتعامل مع أجهزة mtk ال secure boot
والمشكله دى ظهرت مؤخرأ فى بعض موبيلات oppo اللى نزلها تحديثات اندرويد 12 وهتلاحظها أكتر فى موبيلات vivo
خصوصا الموديلات والحمايات الحديثة منها
وفى فيديو النهاردة هنعرف بعض المعلومات المهمه وهنجاوب على أهم الاسئله اللى تخص MTK Brom Mode وهى
اية تفاصيل موضوع اغلاق وضع brom دة ؟
وازاى نعرف ان الموبايل اللى معانا MTK Brom Locked ومش بيدخل لوضع brom ؟
واية الطرق البديله اللى نقدر نستخدمها لو جالنا جهاز ميدياتك والعميل حدثة
وبعد التحديث معدش بيدخل لوضع brom ؟
معلومات وتفاصيل مهمه عن وضع MTK Brom Mode
فى البداية نعرف بعض المعلومات عن وضع brom
وضع brom وهو اختصار ل bootrom mode ودة وضع توصيل خاص بجميع أجهزة وموبيلات ميدياتك باختلاف براندتها
سواء كانت oppo او Vivo او Samsung او اى برندات تانية عليها معالجات mtk واللى بتكون secure boot او عليها حمايات على المعالج
زى حمايات daa و sla واحنا بنحتاج اننا نوصل الموبايل اللى معانا فى وضع brom علشان نقدر نتعامل معاة على برامج السوفت وير
سواء كنا هنفرمته او هنحذف حماية frp من علية او هنفلشه او هنعمله اى عملية تانية
وفى طريقتين للتعامل مع الموبيلات اللى اتقفل عليها وضع brom
والطريقة الاولى والاصعب وهى انك تشتغل على بوكسات الجيتاج وتوصل نقط isp على البوردة وتكمل شغلك على بوكس الجيتاج اللى عندك
سواء Easy JTag Box او UFI Box مثلا وبعدها تقدر تعمل فورمات او تحذف حماية frp
والطريقة الاسهل شوية
وهى انك تشتغل باستخدام التيست بوبنت يعنى هتبحث عن صورة التيست بوينت لرقم موديل الموبايل اللى معاك
وبعدها هتوصل نقطه التيست بوينت باى طرف ارضى على البورة باستخدام الجفت وطبعا مكان نقطه التيست بوينت ممكن تختلف من موديل للتانى
يعنى فى موبيلات بتكون نقطه clk هى نقطه التيست بوينت اللى بتوصلها بالارضى واجهزة تانية بتلاقى نقطه data0 هى نقطه التيست بوينت
واستخدام طريقة التيست بوينت ... رغم انها اسهل من شغل الجيتاج لكن برضو مش بالسهوله اللى انت متخيلها
لان غالبا نقطه التيست بوينت بتكون صغيرة جدأ وبتشوفها بعينك بالعافية وممكن تحتاج لميكروسكوب علشان تقدر تشوفها بوضوح
وغالبا برضو بتكون مختفية ولازم تحفر عيها بمشرط او اى اله حادة عندك علشان تظهرها
وبعدها بتوصل نقطه التيست بوينت بالطرف الارضى وبتكمل شغلك عادى بدون اى مشاكل
