كل ما تريد معرفته عن حساب ios الخاص بدونجل CM2 Dongle
فى الموضوع اللى فات اتكلمنا عن التعديلات والتحسينات اللى تمت على اقسام ومسارات ملفات البوت واللودر لدونجل cm2 وتحديدأ واجهه CM2MT2
الخاصة بالتعامل مع معالجات ميدياتك MTK وبما ان دونجل CM2 منتشر عند اغلب فنيين سوفت وير الموبايل
فهنحاول دايما اننا نعمل فيديوهات وشروحات عنه وعن أهم المشاكل والاخطاء اللى ممكن تقابلك وانت شغال على دونجل CM2
موضوع قد يهمك : كورسات جوكر سوفت لاحتراف سوفت وير الموبايل
وهنشرح بعض التركات والعمليات على واجهاته وبرامجه المختلفه علشان تكون مرجع لبعض فنيين السوفت وير وخصوصأ المبتدين منهم
وفى الموضوع دة هنتكلم عن حاجة مهمه ولازم كل مستخدمين الدونجل يكونوا عارفينها او على الاقل يكون عندهم بعض المعلوما عنها
وهى ios accont او حساب دونجل cm2 ودة إختصار ل Infinity Online Service
وكالعادة هنقسم الفيديو بتاعنا لنقط متتالية علشان تفهم الموضوع كويس
1 - وفى البداية هنعرف نبذة سريعه عن اكونتات وحسابات منتجات السوفت وير عموما
2 - وهنعرف لية احنا ممكن نحتاج لحساب CM2 ios فى شغلنا على دونجل cm2
3 - وهنشرح إزاى نقدر نجيب حساب ios اونعرف معلومات وتفاصيل الحساب المربوط بالدونجل بتاعنا
4 - وهنشرح إزاى نقدر نعمل ريسيت لباسورد الحساب CM2 IOS ACCOUNT Reset Password
ودة فى حاله انه حصل معاك اى مشكله او ظهرلك خطأ وانت بتسجل دخول على السيرفر