ما دور الذكاء الاصطناعى فى تطوير ادوات وتولز سوفت وير الموبايل ؟
في السنين الأخيرة انتشرت وزادت تطبيقات الذكاء الاصطناعى بشكل كبير جدأ
وبالرغم من ان مصطلح الذكاء الاصناعى والعمل علية واستخدامه بدأ من فترة طويله
وتحديدا في خمسنات وستينات القرن الماضى لكن كان لسه في بدايته
والشغل والتطوير علية كان بيتم ببطء جدأ بس مع مرور السنين وانتشار أجهزة الكمبيوتر بشكل اكبر في العالم
وزيادة امكانياتها وعتادها الداخلي فالامر دة ساعد كتير جدأ في زيادة تطوير تطبيقات الذكاء الاصطناعى
وبدأنا نشوف تطبيقات وبرامج كتير بتشتغل بالذكاء الاصطناعى
وبتخدم مجالات كتير جدأ سواء مجالات طبية او علمية لكن بالنسبة لاغلب الناس العادية
فبداية الانتشار الكبير لتطبيقات الذكاء الاصطناعى كان مع اعلان شركه open ai
عن منتجها الجديد chatgpt
باصداراته المختلفه وخصوصا الإصدار التالت المجانى لان حاليا الإصدار الرابع مدفوع وغير مجانى
ومع نزول CHATGPT اتغيرت بعدها حاجات كتير
وبقيت تقدر تسال اى سؤال في الشات والذكاء الاصطناعى يرد عليك
او يكتبلك مقالات كامله او حتى أبحاث علمية او مشاريع تخرج ورسائل دكتوراة
وبعد النجاح الكبير اللى حققة chatgpt بدأت شركات تانية كتير جدأ تطور تطبيقات بتشتغل بالذكاء الاصطناعى
ومن اهمهم تطبيقات زى midjourney واللى من خلاله بتقدر تنشأ صورة لاى حاجة انت تتخيلها
وحرفيا اى حاجة تتخيلها
يعنى بمجرد ما تكتبله ايماجين او تخيل وتكتبله بعدها اى وصف انت عايزة لاى حاجة تتخيلها
فبعدها التطبيق بيعمل معالجه لطلبك وبيظهرلك مجموعه صور للوصف اللى انت كتبته
وتقدر كمان تدخله صورة من عندك وتكتبله وصف للشكل اللى عايز الصورة تظهر بية
وبعدها هيعمل معالجه وهيظهرلك 4 صور تختار منها اللى يناسبك
وحقيقى التطبيق بيطلع نتايج خرافية في اقصر وقت ممكن وباعلى جودة ممكنه
واللى ممكن تاخد منك أيام واسابيع في تصميمها وفى الاخر مش هتطلع بنفس الجودة
بالإضافة كمان لتطبيقات الذكاء الاصطناعى الخاصة بالاصوت
يعنى بقيت تقدر تسمع اى غانى بصوت مطرب تانى غير صاحب الاغنية
يعنى ممكن تسمع اغنية البخت لويجز بصوت عمرو دياب
وكمان ممكن تسمع اغنية مخصماك بتاعه نوال بصوت عبد الحليم حافظ
دا انت بقيت تقدر تسنسخ بصمه صوت المطرب نفسة
وتخلية يغنى اى كلمات والحان جديدة .. زى ما الملحن عمرو مصطفى
ما عمل وكتب كلمات اغنية ولحنها واتغنت ببصمه صوت ام كلثوم عن طريق الذكاء الاصطناعى
ودى نبذة بسيطه جدأ جدأ عن الذكاء اللاصطناعى وتطبيقاته علشان امهد بيها للموضوع بتاعنا
وطبعا انتوا تقدروا تبحثوا وتعرفوا اكتر عن كل مجالات الذكاء الاصطناعى
طيب تمام
كدة عرفنا مقدمه عن الذكاء الاصطناعى .. دلوقتى عايزين بقى نتكلم
عن موضوعنا الاساسى وهو تخيلنا لدخول الذكاء الاصطناعى
لمجال سوفت وير الموبايل وتحديدأ ما يخص تولز وبرامج السوفت وير
وكانت البداية مع نزول الدونجلات والبوكسات
وطبعا كان في تولز وكابلات تانية وكانت اقدم من البوكسات والدونجلات
وكنا بنستخدمها في التعامل مع أجهزة نوكيا القديمه وبعض البرندات التانية
وطبعا وقتها الموضوع كان صعب في التعامل مع التولز دى والكابلات الخاصة بيه
لانها مكنتش تولز احترافية بالعنى الحرفى زى اللى بنشوفها حاليا
وبعدها بكام سنه بدأ الموضوع يتطور اكتر وينزل السوق تولز تانية وهى المربوطه بالدونجلات والبوكسات
وفى الفترة دى كان لازم تشترى بوكسات علشان تقدر تشتغل سوفت وير
وخد بالك انى بقول لازم بوكسات مش دونجلات
لان اغلب الأجهزة وقتها كانت نوكيا وسامسونج وموتورلا وسونى وبعض البردانت التانية
وعلشان تتعامل معاها فكان لازم تستخدم كابلات كوم بورت او rj او f-bus ايأ كانت التسمية
وعلشان تستخدم الكابلات دى فلازم البوكس يكون فية مكان لمنفذ com او f-bus
وبالتالى كان لازم تشترى البوكس بكابلاته كامله علشان تقدر تستخدمه وتفلش الأجهزة او تفرمتها او تفك شفرتها
ولكن مع مرور الوقت ونزول نظام الاندرويد بقى اغلب الشغل ببيتم باستخدام كابلات usb فقط
وبالتالي معدناش مضطرين اننا نشترى بوكس بكابلاته ..
لأننا نقدر نشترى دونجل ونشتغل علية بدون اى مشاكل
لكن سواء اشتريت البوكس او الدونجل .. فلازم وحتما طبعا تكون جواة
شريحه sim ذكية ودى مشابهه لشريحه الموبايل ... ودى الأهم
لان الشريحه دى هي اللى بيكون مسجل عليها سيريال الدونجل او البوكس
وهى اهم عامل في حماية البرامج
لانك لما بتشغل اى برنامج لاى منتج عندك سواء بوكس او دونجل ..
فلازم في البداية البرنامج يشيك على المعلومات الموجودة على الكارد
ولو البوكس او الدونجل مش متوصل .. او السيم فيها مشكله
فمش هتقدر تشغل برنامج المنتج اللى انت عايزة
إلا لما يقرا معلومات االسيم ... وبعدها يسمحلك بتشغيل البرنامج
ودى طريقة الحماية اللى اغلب المنتجات بتتبعها سواء بوكسات او دونجلات
بس برضو بالنسبة لفنيين السوفت وير .. فالامر ممكن يكون متعب ليهم
لانهم ممكن يضطروا انهم يسافروا بلد تانية علشان يشتروا البوكس او الدونجل
وحاليا شركات الشحن سهلت الموضوع شوية
لكن هتفضل المشكله قائمه برضو في بعض المحافظات او الدول
وهنا كان معادنا مع تطور جديد وخطوة التانية حصلت على تولز السوفت وير
وهى ميزة تشغيل المنتجات اون لاين
واللى دعمتها منتجات كتير موجودة حاليا
يعنى دلوقتى بقيت تقدر تحمل برنامج المنتج وتشترى تفعيله اون لاين
وتكتب اليوزر نيم والباسورد بتوع حسابك
وتسجل دخول مباشرة للبرنامج وتبدأ تشتغل علية بدون اى مشاكل
والاهم بدون تواجد قطعه هارد وير مرتبطه بية سواء كانت بوكس او دونجل
لان المنتجات الاون لاين بقت مربوطه بسيرفرات وقواعد بيانات
واللى بيتسجل عليها معلومات حسابك ورقم تفعيلك وتاريخ انتهائه
وكل المعلومات اللى بعضها كان بيتسجل على السمارت كارد
لكن للأسف لحد دلوقتى مش كل المنتجات الموجودة في السوق
بتدعم التفعيلات الدجيتال اون لاين
ولسه في منتجات كتير شغاله على قديمو .. ولازم يكون عندك الدونجل او البوكس
علشان تقدر تشتغل عليها
ودة اخر ما وصل الية عالم تطور منتجات السوفت وير لحد النهاردة
يعنى اما ان يكون عند البوكس او الدونجل او تشترى التفعيل اون لاين
وتشغل البرنامج عادى برضو بدون دونجل