خلال الساعات اللى فاتت اعلن فريق كيميرا عن إعادة هيكله المنتج واضافة بعض التحسينات علية " من وجهه نظر فريق الاداة طبعأ "
وخلونا سريعأ كدة نتعرف على أهم التغييرات الجديدة اللى تمت على الاداة
إقرأ أيضأ : معلومات عن Chimera Tool وشرح كامل لطريقة التفعيل بالخطوات
أولأ : تم إعادة هيكله واجهة المستخدم وإعادة ترتيب بعض القوائم والعمليات وتثبيت الثيم الداكن او الوضع الليلى
كشكل رئيسيى لواجهه البرنامج
وإضافة مجموعه جديدة من اللغات واضافة بعض التحسينات على لوحه تحكم المستخدم لتوفير تجربة سلسة للمستخدمين
ثانيأ والاهم : انه تم إعادة هيكله تراخيص وتفعيلات الاداة
يعنى كل تفعيلات وتراخيص الاداة هتكون سنوية برضو زى زمان
لكن تم تقييد عدد الاجهزة والموبيلات اللى تقدر تشتغلها على التفعيلات الجديدة
وكمان معدش فى تفعيلات سامسونج فقط زى زمان ... بمعنى
يعنى دلوقتى كل تفعيلات الاداة بقت بتدعم كل البرندات الموجودة فى السوق والمدعومه على الاداة
زى سامسونج وشاومى وهواوى وباقى البرندات
وتم الغاء تفعيل وترخيص سامسونج القديم وبقى اسمه التفعيل الاساسى Chimera Tool Basic
وبصراحه التغييرات اللى تمت على التفعيلات والترخيص رخمه جدأ وخلينى اقولك لية
اولأ : التفعيل الاساسى Chimera Tool Basic " سامسونج سابقأ " هتقدر تشتغل علية عدد 100 موبايل فقط وخلال سنه التفعيل مش هتقدر تشغل الاداة إلا على 8 أجهزة كمبيوتر فقط بمعدل جهازين كل 3 شهور ومش هتقدر تعمل تشيك وفحص للسيريالات براحتك لكن متاح ليك 10 عمليات فحص فقط وكمان سعر التفعيل السنوى بقى أغلى من سعر تفعيل سامسونج القديم
ثانيأ : تفعيل البرو Chimera Tool Professional هتقدر تشتغل علية 1500 موبايل وكمان تقدر تشتغل على 24 جهاز كمبيوتر خلال السنه
بمعدل 6 أجهزة كل 3 شهور
ثالثأ : تفعيل البريميم Chimera Tool Premium هتقدر تشتغل علية 5000 موبايل وتشتغل على 32 جهاز كمبيوتر خلال السنه
بمعدل 8 أجهزة كل 3 شهور
وبالتالى بعد التحديثات دى لو كنت مشترك على اى سبورتات خدمات .. فهتلاقى اسعار تفعيلات الاداة إتغيرت علية وكمان هتلاحظ ان معدش فى تفعيل سامسونج وتم إلغائة وإستبداله بالتفعيل الاساسى
ودى تعتبر أهم الاضافات الجديدة اللى تمت على أداة كيميرا واللى أعلن عنها الفريق خلال الساعات اللى فاتت
وقولولى رأيكوا فى التحديثات دى .. وهل هتكون مفيدة للمستخدمين ولا لأ